(دهوڵهتى ئێرانى زده كورد،له حاستى كورد، ههركهى گهرهكى بێت. حهرام تهحلیل و حهڵاڵ تهحریم دهكات) مهلایهكى كوردى كرماشانى..
دهوڵهتانى داگیركارى كوردستان،به ههر شێوهیهك جا شیاو یان نهشیاو بێت كه بیانهوێت و له بهرژهوهندى واندا بێت...،كار دهكهن و ههوڵ دهدهن بۆ سڕینهوهى گهلى كوردو داڕنینى كورد له خاكهى...ئیتر به لهشفرۆشى،مادهى بهنگهمهنى و هۆشبهر،میلیتاریزه كردن،به پولخوازكردن،بێكارى و ههژارخستن،و ههزار شێوهى دیكهى قێزهون بێت یان به ڕاستهوخۆ به ناوى تیرۆریستهوه له داردان و كوشتن و زیندانى كردن بێت،گهلى كورد له ههر پێنج پارچهى كوردستان تا كۆتا تواناى ههوڵى خۆپاراستنى لهم سڕینهوانه نهتهوهییانهداوه...باسى من باس و پێناسهى ئهو هۆكارو فاكتهرانه نیه به گشتى بهڵكو گهرهكمه زۆر به كورتى باسى مادهى بهنگهمهنى(كراك و تلیاك و شیشهو هێرۆین)و به تایبهت تلیاك بكهم..دهوڵهتى ئێرانى مافخۆرى تلیاكپهروهر یهكێك له سهرهكیترین هۆكارهكانى سستكردنى كوردانى ڕۆژههڵات (تلیاك)ه،ئهو لهوێ گهل تلیاكیست دهكات و وا لهگهل دهكات بیر له دایك و باوك و ژن ومنداڵ نهكاتهوه چ جاى (گهل و خاك و ئازادى و كوردو كوردستان)،كهسێك به ناوى (ج) له كرماشان پێى ووتم (چا دهخوازیت یان تلیاك؟!،ههردوكیان وهك یهك به دهست دێن!)..وهرن بڕوانن دهوڵهتى به ناو ئیسلامى ئێران تهنها بۆ (نهسل كوشى..ڕهتهوهكوژى) كوردان،حهرامترینى حهرامهكان كه (تلیاك)ه، بۆ خهڵك ئاسان و بێكێشه دهكات به جۆرێك كه له حهڵاڵترینى حهڵاڵهكان كه (قورئان)ه،ساناتر وه دهست دهخرێت و نرخیشى زۆر لهخوارهوهیه و ههر كهس بخوازێت تهنها به (5000) تمهن كه له باشورى كوردستان نرخى 3 كاتژمێر (ئینتهرنێت-تۆڕڤهچوون)كردنه،وه دهستى دهخات..لاى پاركى شیرین له ناوهندى شارى كرماشان كهسێكى ئالوودهبوو به تلیاكم چاو پێكهوت كه زۆر به زهلیلى و داماوى و كزۆڵهییهوه بۆ (پول و پاره ) دهستى بڵند دو پاشان پان دهكردهوه،به خاترى ئهوهى لیباس و جلهكانى كوردى بوون زوو خۆم پێگهیاندو لێم پرسى ووتم (بچهاى كجایى هستى؟!،منداڵى كوێیت؟!) زۆر به خاوى و به منگنى و به خهستهو شهكهتییهوه وتى (كرمانشاهى هستم!كرماشانیم) منیش وتم (كورد هستى یا فارس یا ئازرى؟كوردیت یان فارس یا ئازهرى؟ ) به گاڵتهجاڕییهو لهگهڵ لاربوونهوهدا وتى (كورد هستم..فقد توفرى نداره..واسه من تلیاك همه چیزه!وتن،مادر،پدر،زن و بچه،دین و دنیا و كردستان است.كوردم..بهڵام جیاوازى نیه..سهبارهت به من تلیاك ههموو شته،نیشتمانه،دایكه،باوكه،ژن و منداڵه،دین و دنیاو كوردستانه!)له كاتهدا پیاوێكى ڕیشسپى فۆته بهسهر هاتوو وتى (تۆ له تلیاكى ناكهى چیته لهتهك ئهم بێچاره كه گیرۆدهى داوى دهوڵهته)پاشان وهك شتێك كهمێك ڕاوهستاو ڕهنگه بیرى له بهكارهێنانى ووشهى دهوڵهت كردبێتهوه!،من ووتم قوربان دوو پرسیارم لێ كرد،ڕووى گهشایهوهو وتى (تۆ كوردى مهریوانیت؟!) وتم (نا كوردى ئێراقم )ووتى كوردانى مهریوان كوردى ڕهسهن و خاپهروهرن و پاشان ووتى (من مهلایهكى كوردم و سونهم،دهوڵهتى ئاخوندهكان ههر شتێك پێویست بێت دهیكات بۆ ژێردهستكردنى كوردان و بهلوچهكان،لێره تلیاك كێشان بووته مۆدیل و زۆربهى خانوادهكان خهریكى دهبن ههر تلیاك كێشێك حسى قهومى و خزمى و خانوادهیى نامێنێت و دهوڵهتى به ناو فهقێش ئومێدهوارى ئهوهن..له مهناتقى كوردستاناتدا خوسوسهن (كرماشان و ئیلام) دهوڵهت بێكاریهكى فرهى بڵاوكردوهوتهوهو خهڵك له بهر بێ پولى پهنا بهر شتهاى خراپ و قێزهون دهبهن..دهوڵهت ئهوهنده موشكڵ بۆ مهردمى كورد شروع دهكات،مهردم لهبهر بێچارهى و كهمدهستى پهنا بهر تلیاك و موخهدهرات دهبات!،جاران كۆمهڵهو دێموكرات تهئسیرى فرهیان بوو لهسهر تهوقیفى جینایهتى دهوڵهت لهسهر كورد..ئهلعان بوونى (پژاك) له كۆى داڵاهۆ بۆ هێمه زۆر باش و خوبه..دهوڵهت له ترسى پێشمهرگهى (پژاك) هیچ دهمێ سهرحاڵ و ئاسوده نیه!براكهم دهوڵهتى ئێران ههركهى بخوازێت تهحهڵاڵ تهحریم و حهرام تهحلیل دهكات ) مهخابن من كارم ههبوو ،ئهویش به ههمان شێوه كاتێك خوداحافیزى كردو ڕۆشت وتم حاجى ئاغا ئیسمى شهریفتان؟! ووتى (پێشینهكان كوتویانه ناو موهیم نیه ناوهڕۆك موهیمه)،ئاى چهنده خوازیار بووم له خزمهت ئهو مهلا نهتهوهییهدا گوێ بۆ ووته جوان به نرخهكانى بگرم..له بیمارستانى ئیمام ڕهزا لهتهك چهند كهسێك گفتوگۆم كردو داواى كتابێكم لهسهر تلیاك كرد،ئهوان ووتیان جگه لهوهى كتابێك لهسهر تلیاك نیه وهلێ ئهگهر ههشبێت له بهرژهوهندى دهوڵهتهو بۆ خۆشهویستكردنى تلیاكه نهك قێزهون كردنى،چونكه دهوڵهت پێى وایه ئهگهر دۆخى كوردستان خسوسهن كرماشان بهم نهوعه بڕوات ئهوا مودهیه تر شهڕى فارس و كورد دهبێته شهڕى (تلیاك و كورد) ههروهها ئهوان ووتیان ئێستا دهوڵهت كار دهكات بۆ ئهوهى لانى كهم یهك لهسهر سێى كرماشان تلیاكى بكات و شعورى ئینسانى مهردم بخاته ژێر سفرهوهو كورد بهرهو ههڵدێر ببات..كهسێك پێى ووتم (چۆن له ناو كورداندا به كسێكى فشهكار دهوترێت خۆ كێوى داڵاهۆت نهگرتوه،ئاواش له ناو فارسه ئیتڵاعاتهكاندا دهوترێت خۆ كوردو بهلوچێكت فێره تلیاك نهكردوه؟!) ..خوێنهرى دهلال تلیاك ههڕهشهیهكى ترسناكه بۆ سهر گهلى كورد به گشتى و ڕۆژههڵات به تایبهت و كرماشان به تایبهتتر!،تلیاك ههڕهشهیه بۆ سهر ئهخلاقى پاك و جوانى كوردهوارى..ئهگهر كوردان یهك دهست و یهك بیرو بێ جیاوازى ژن و پیاو و چهپ و ڕاست، بهربهستێك بۆ هێرشى تلیاك (ئهنفالى سپى) دروست نهكهین گهلهكهمان دووچارى مهترسییهكى گهورهى نهتهوهیى دهبێتهوه و ئهگهرى نهمانى تهواوى ههستى نهتهوهیىٍ لێ دهكرێت!،وهرن با بیرێك بكهینهوهو بپرسین دهوڵهتانى داگیركارى كوردستان بۆ ئهوهنده سوورن لهسهر كپكردنهوهى تهڤگهرى ئازادیخوازى كورد؟!باشه ئێمه بۆ ئهوان وهك چى واین؟!،وهرن با ههموومان ڕێگه بگرین له تهجاوزى نائهخلاقى و نائینسانى توركه كهمالى و ئهردۆگانیهكان كه لهسهر منداڵانى كورد پهیڕهوى دهكهن..وهرن به گژ تلیاك و مادهى هۆشبهردا بچینهوهو لهتهك ڕۆژههڵاتیهكان وهكو جاران ببینهوه یهك نهتهوه!،وهرن به به دهنگ و خۆپیشاندان و واژۆ خڕكردن و نوسین ومانگرتن ڕێگه نهدهین چى تر دهوڵهتى نهفرهتى سوریا هێرشى ناشهرهفى و نا ئهخلاقى بكهنه سهر دایكانان و خوشكانمان له ڕۆژئاڤاى كوردستان..ده وهرن با هیوا له قهندیل،دهست له ناو دهست،دڵ لاى خودا،خهباتى نهتهوهیى كوردانه دهست پێبكهین و وڵاتى كوردهوارى ئازادو سهربهخۆو خودموختار بكهین..تف له تلیاك و ئهخلاقى توركان و شهرهفى بێشهرهفیانهى عهرهبى سورى و ههڵوێستى داگیركارانى كوردستان..
تێبینى:ئهو كهسانهى ووتهكانم هێناون له بهر ڕهوشى ئاسایش ناوم نهبردوون!، | 
